Bakının qəsəbələrinə hərəkət edən avtobusların çoxu fiziki  və mənəvi cəhətdən qocalıb.

Yeni  el dilində demiş olsaq, istismar müddətin bitirib. Və bundan da ən çox əziyyət çəkən  yazıq Maştağa camaatı olur.Bilirsiniz niyə?! Çünki onlar hər gün bu köhnə avtobuslarla mənzil başına getməlidirlər!  Belə marşrutlardan biri də  131 nömrəli avtobusalardır. Bugünlərdə yolum Maştağaya düşmüşdü və elə oldu ki, həmin avtobuslardan birinə əyləşməli  oldum. Hava da soyuq idi. İçəri daxil olan kimi bir boş yer tapıb, oturdum. Və dəqiqə hiss etdim ki, avtobusun istilik sistemi işləmir.Çünki  salonu biz kimi idi.

Üstəlik də oturacaqlar sınıq- salxaq və həddindən artıq çirkli vəziyyətdə idi.Hələ bu da hamısı deyil.Belə ki, avtobuslar dayanacağa çox gec  gəlir.Təbii ki, belə bir natəmiz və sınıq- salxaq  avtobuslarda  qəsəbəyə gedib- gəlmək hər bir sərnişindən  möhkəm əsəb və dözüm tələb edir. Yazıq Maştağa camaatı bu soyuq qış günlərində mənzil başına bu avtobusla necə  gedirlər?! Hər halda , adiyyatı qurumlar  bu barədə ciddi  düşünməli,  sərnişinlərın  problemlərini vaxtında həll etməlidir!

Emil Faiqoğlu