Hər qapı döyənə  qapı açmaq olarmı? Təbii ki, olmaz! Ona görə olmaz ki, bilmirsən , o , qapı döyən kimdir və nə məqsədlə sənin qapını döyür.

Xüsusilə də Bakıda və respublikamızın digər böyük şəhərlərində  insanlar daha diqqətli olmalıdır. Ən çox oğurluq cinayətini həyata keçirmək istəyən kriminal elementlər qapını  döyərkən  müxtəlif xidmət sahələrinin  adından istifadə edirlər; ya deyirlər işıq idarəsindən gəlmişik, ya deyirlər, qaz idarəsindən gəlmişik, ya da deyirlər su idarəsindən  gəlmişik. İnsanlar da onların dediklərinə inanır və qapını açırlar. Görürlər ki, gələn deyilən xidmət sahəsindən deyil, bıçağı onun boğazına dirəyən  cinayətkardır. . Bir dəfə bizim tanıdığımız adamlardan birinin başına belə bir hadisə gəlib. O, qapını döyənin dediyinə inanıb və  qapını açıb. Sonra da görüb ki, bu adam oğurudur.  

Qışqırıb haray salıb, qonşular köməyə gəlib və oğru  görüb ki, yaxalanacaq qaçıb  aradan çıxıb. Ona görə də əhalinin bu sahədə  də maariflənməsinə  böyük ehtiyac var. Polis də dəfələrlə vətəndaşlara  bildirib  ki, hər adama  qapı açmayın. Yaşayış yerlərində, binalarda kameraların quraşdırılması bu qəbildən olan cinayətlərin  azalmasına səbəb  olub. Deməli, insanlar da bir qədər diqqətli olmalı, hər qapı döyənə  qapı açmamalıdır.Tanmadığınız adama qapı açarsınız, sonra başınız ağrıyar!

Emil Faiqoğlu