Bu gün Bakı şəhərində tıxacların aradan qaldırılması üçün böyük işlər görülür və əvvəllərdə az işlər görülməyib.

Belə ki, yollar genişləndirilib, körpülər, yol ötürücüləri inşa edilib. Bu, məsələni qismən həll etsə də, amma mövcud nöqsanlar yeni də qalıb. Yəni tıxaclar hələ də qalmaqdadır və davam edir. İndi də Bakıda bu tıxacları aradan qaldırmaq üçün dövlət proqramı qəbul edilib və küllü  miqdarda dövlət vəsaiti ayrılıb.

Belə ki, Bakıda yeni yollar salınacaq və genişləndiriləcək, metro stansiyaların sayı artırılacaq. Özü də bunlar qısa zaman kəsiyində həyata keçiriləcək! Əlbəttə , bu işləri görmək elə də asan iş deyildir. Ancaq bütün çətinliklərə baxmayaraq, həmin layihələr mütləq  gerçəkləşdiriləcək.  Amma gəlin onunla razılaşaq ki, Bakıya hər ay, hər il gələnlər daha da çoxalır. Üstəlik də , nəqliyyat vasitələrinin sayı bir qədər də çoxalır. Ona görə də tıxac probleminin tamamilə  həll edilməsi sual altındadır.

Problemin çıxış yolu isə  ya paytaxtı köçürmək, bu da mümkün olmadıqda isə ali məktəblər və  nazirliklər şəhərdən bir  qədər uzağa  köçürməyə ehtiyac var. Bizcə, bundan sonra Bakıda tıxacların qarşısını tamamilə almaq mümkün olacaq. Bax onda sürücülərin də  canı dincələcək, xidmət sahələrinin də !

Emil Faiqoğlu