Bu gün Bakıya nisbətən əyalətlərdə qəzet oxuyan insanlar daha çoxdur.

Çünki əksər insanlar sosial şəbəkədən deyil, qəzetdən və kitabdan məlumat almaq istəyirlər. Ən azından ona görə ki, sosial şəbəkələrdə yayılan xəbərlərin çoxu yalan olur. Ona görə də əyalətlərdə qəzet oxumaq istəyən insanlar şəhərlə müqayisədə  çoxdur. Amma gəlin onunla razılaşaq ki, rayon mərkəzlərinə qəzetlər göndərilsə də, ancaq kəndlərə qəzet göndərilmir.Bakıda və digər iri şəhərlərin köşkülerində qalaq- qalaq qəzetlər yığılın qalsa da, amma kəndlərdə  bir qəzet belə gözə dəymir.

Və sonradan da, bu qəzetlər " maklatura" kimi redaksiyalara qayıdır. Bu da ziyan deməkdir. Amma o qəzetlər kəndlərə köndərilsə, sizi inandırım ki, əksəriyyəti satılar. Məsələn , 10 minə yaxın əhalisi olan Füzuli rayonunun Böyük Bəhmənli kəndində bir qəzet köşkü belə yoxdur. Kəndin ziyalılarından biri olan, uzun müddət müxtəlif vəzifələrdə işləmiş Əsəd müəllim deyir ki, biz qəzet oxuyan insanlar olmuşuq və həmişə də, gözümüz qəzet axtarır, amma tapa bilmirik.

Televiziyaların bayağı, can sıxıçı verilişlərindən  lap bezmişik. Ona görə də əlaqədar qurumlar bu barədə  cıddi düşünməlidir. Ki, kəndlərə qəzet göndərilməlidir. Biz yaşlı nəslin  adamlar kitab, qəzet oxumağa öyrəşmişik, o da ki,  kəndimizə gəlmir.Əgər kəndimizə qəzet gəlsə, mənim kimi, insanların  çox böyük sevincinə səbəb olar.Gözümüz qəzet axtarır. İnanırıq ki, əlaqədar  qurumlar, təsisçilər və redaktorlar bu barədə götür- qoy edəcək, kənd ziyalılarının arzu və istəklərini yerinə yetirəcək!

Emil Faiqoğlu