Bizdə din dövlətdən ayrıdır

Başqa sözlə demiş olsaq din dövlətin işlərinə qarışa bilməz. Bir çox hallarda belə anlar olub, onun da qarşısı dövlət və hüquq - mühafizə orqanları tərəfindən vaxtında  alınıb.

Ölkəmizdə savadlı, ilahiyyatçı alimlər də az deyil. Amma savadsızlar, yas yerlərindən " Quranı - Kərim" dən , surələrdən,  ayələrdən  danışmaq əvəzinə, nağıl, rəvayət danışan  mollalar daha çoxdur. Xüsusilə qəbiristanlıqlarda olan mollaların çoxunun Allahdan , dindən xəbərləri yoxdur. Onların əksəriyyəti ərəb dilin bilmir, ağızlarına gələni danışırlar. İnsanlar da belə cahil və tamahkar mollaların toruna düşürlər.

Onlar da günah yoxdur, bütün günahlar bizdədir ki, belələrinə pul verib, rəhmət gedənlərimizə  " Yasin" oxyuduruq.  Hələ görməmişik ki, bir molla şəhid yasında pul almadan  məclis aparsın. Danışanda ağızlarına çullu dovşan sığmayan mollalar yas məclislərində  qiymət " oxuyur". Belələrini heç məclisə  aparmaq  lazım deyil.

Bax , yenə günah özümüzdədir. " Quran" ölülər üçün deyil, dirilər üçün nazil olub. Onu görə də bir ətək pul verib, savadsız və tamahkar mollaları yas məclislərinə  aparmayın.  Çünki belə mollalar çəhaləti təbliğ edir. Və bir də mollası çox olan ölkə qaranlıq və cəhalət içində olar!..

Emil Faiqoğlu