Bir çox insanlar var ki, qiymətli və yekə avtomobillərilə  öyünür, onu saxlayıb əlində açarı oynada- oynada  insanların arasına daxil olur. Çoxları da ona qibtə ilə baxır və düşünür ki, kaş mənim də belə avtomobilim olaydı.

Maşın sahibi isə forslanır , camaatın diqqəti ona tikildiyi üçün özünü xoşbəxt sayır. Əslində o, xoşbəxt deyil, bədbəxt  adamdı. Amma özünü xoşbəxt hesab edir. Çünki cəmiyyət belə adamlara- maşını, evi, vəzifəsi və pulu olan adamlara böyük dəyər verir.

Onlar da sanki yarışa girib, oyunları davam etdirirlər! Hələ də  avtomobilin  və mobil telefonların bahalı nömrələri ilə öyünənləri görəsən? Onlar bu " zerkal" nı  nömrəyə 50- 60 min manat pul verirlər. Biz inanmırıq ki, hansısa, Avropa ölkəsində bir varlı , pullu adam bu bahalı nömrələrə bizimkilər qədər  pul versinlər.

Çünki bizim təfəkkürümüz hələ də Sovet dönəmində olduğu kimi, qalıb. Və bir də sadəcə olaraq bahalı avtomobillərə, bahalı mobil telefonlara bahalı nömrələr alan adamlar özlərini cəmiyyətə belə göstərirlər. İnanın, 10-15 ildən sonra bizdə də , Avropada olduğu kimi, belə ucuz şöhrətdən insanlar  imtina edəcəklər. Sadəcə olaraq həmin ana biraz zaman  və səbr lazımdır. İnşallah, yaşayarıq  görərik!!!

Emil Faiqoğlu