Azərbaycanda futbolu inkişaf etdirmək üçün hər rayonda, hər qəsəbədə, hər kəndə birmənalı olaraq  stadion olmalıdır. Və orda məhəllə futbolu, uşaq futbolu inkişaf etməlidir.

Çünki uşaq futbolu inkişaf etməkdən böyük futboldan danışmağa dəyməz.Bütün məşhur futbolçular  uşaq futbolundan böyük futbola gəliblər.Ona görə də, bu gün ölkəmizdə uşaq futbolunun inkişafına ehtiyac çoxdur. Füzuli rayonunun Böyük Bəhmənli kəndində də həmişə futbolun inkişafına önəm verilib. Ona görə Bəhmənli futbol komandası  rayon üzrə keçirilən yarışda birinci yerə çıxıb. Və yüksəkiş  gəncləri bir qədər də ruhlandırıb.

Füzüli şəhərinin və kəndlərinin erməni işğalından azad edildiyi gündə- yəni oktyabrın 17- də Böyük Bəhmənli kəndində futbol stadionunun təməli qoyulub.Bu barədə qəzetimizə  Allahyar Əliyev adına tam orta məktəbin direktoru, gözəl ziyalı Həsən Rzayev məlumat verib. Həsən müəllim deyir ki, biz bu günü çoxdan gözləyirdik.

Bu işdə  kəndimizin Rusiyada yaşan iş adamları və eləcə də, başqa insanlar belə xeyirxah işə dəstək olublar. Belə bir gözəl addımın atılması tək futbolsevərləri  yox, bütün kənd camaatının sevincinə  olub. Allahın köməkliyi və yaxşı insanların dəstəyi ilə  Bəhmənli futbol stadionu tezliklə tikilib istifadəyə  veriləcək . Burada biz möhtəşəm futbol oyunlarının şahidi olacağıq!!!

Emil Faiqoğlu