Əməkdar mədəniyyət işçisi Telli Pənahqızı Əməkdar artist Mehriban Xanlarovaya dəstək olub. T.Pənahqızı sosial şəbəkə hesabında  M.Xanlarovanın yenidən  “AzDrama”ya qayıtması ilə bağlı fikir bildirib.

Adalet.az xəbər verir ki, jurnalist aktrisanın teatra qayıtmasına mane olanları qınayıb:

“Mən bir məsələni dəqiqləşdirmək istəyirəm. Niyə tanınmış aktrisa Mehriban Xanlarova öz adaşı olan xanım direktorun hikkəsinin, etinasızlığının bir az da sərt desəm, vecsizliyinin qurbanı olmalıdır. İllər boyu çalışdığı teatra qaytmağa icazə verilməsi üçün müraciətinə səlahiyyətli təşkilatlar biganə qalmalıdır? 
Teatr heç kəsin şəxsi mənzili, sarayı, iqamətgahı deyil...Hər kəs zəhmət çəkib bir az kecmişini yada salsın, ona bir vaxtlar pasibanliq edən insanların təmənnasız köməyini yadına salsın. İndi, ömrünün ahıl çağında adicə insanİ qayğıya, səmimi bir münasibətə ehtiyacı olan xanımla icəşməsin!
Qoy heç kəs unutmasın ki, örkən nə qədər uzun olsa, yenə gəlib doğanaqdan keçir! Köməyinizə möhtac olanlara əl uzadın ki, sabah kimsə sizin də əlinizdən tutsun”!

Əntiqə