Məktəbli forması ilə bağlı yaranmış mübahisə zamanı bir şagirdin atası ilə etdiyi təmkinli və peşəkar ünsiyyətə görə gündəmə gələn Aygün Mikayılova 132-134 nömrəli Təhsil Kompleksinin direktorudur. 

Adalet.az xəbər verir ki, o bu vəzifəyə 2024-cü ilin oktyabrında təyin edilib. 

Aygün Mikayılova 1996-cı ildə N.Tusi adına Azərbaycan Dövlət Pedaqoji Universitetinin Azərbaycan dili və ədəbiyyatı müəllimliyi fakültəsini bitirib.

Əmək fəaliyyətinə 1996-cı ildə Bakı Avropa Liseyində müəllim olaraq başlayıb. 2005-2015-ci illərdə Bakı Avropa Liseyində təlim-tərbiyə işləri üzrə direktor müavini vəzifəsində çalışıb.

2015-2018-ci illərdə Bakı Avropa Liseyində direktor, 2018-2024-cü illərdə isə H.Əliyev adına Müasir Təhsil Kompleksində icraçı direktor vəzifəsində çalışıb.

Aygün Mikayılova özü də 132-134 nömrəli Təhsil Kompleksinin məzunu olub.

Qeyd edək ki, Aygün Mikayılova 2008-ci ildə “Əməkdar müəllim” adına layiq görülüb.