Türkiyə vitse-prezidenti Cevdet Yılmaz 15 iyul dövlət çevrilişinə cəhdin arxasında xaricdəki dairələr durduğunu bəyan edib.

Adalet.az apa-ya istinadən xəbər verir ki, Cevdet Yılmaz bunu Türkiyə Prezident Administrasiyasının Kommunikasiya İdarəsinin 15 iyul dövlət çevrilişinə cəhdin ildönümü ilə bağlı təşkil etdiyi “Yaddaş, ədalət və gələcək” panelində bəyan edib.

Türkiyə vitse-prezidenti deyib ki, 15 iyulun arxa planına daha dərindən baxmaq lazımdır: “İlk öncə tariximizi unutmamalıyıq. Tarixi unudan xalqın gələcəyi olmaz. Çevrilişlərin tarixi 15 iyulla qapandı. 15 iyulda Türkiyə Böyük Millət Məclisi, Prezident Sarayı əsgər paltarı geyinmiş xainlər tərəfindən bombalandı. Bu iki məkanın bombalanması təsadüfi deyil. Düşmən belə parlamentlərə bombalamaqdan yayınır, FETO terror təşkilatı isə əksini etdi. Çevrilişlər, çevrilişlərə cəhdlər xalqın iradəsinə qarşıdır, buna görə də bu, xaricdəki dairələrin, həmin dairələrin əlaltılarının milli iradəyə qarşı çıxmasıdır”.