UEFA reytinqi: Azərbaycan Rusiyaya daha da yaxınlaşıb
![](https://adalet.az/uploads/img/posts/2023/12/01/7jpg-1701410780.jpg)
Azərbaycan UEFA reytinqində xal ehtiyatını artırıb.
Adalet.az xəbər verir ki, bu, "Qarabağ"ın UEFA Avropa Liqasının qrup mərhələsinin V turunda Norveçdə "Molde" ilə heç-heçə (2:2) etməsi sayəsində mümkün olub.
Bu bərabərlik sayəsində ölkə reytinqinə daha 0,500 xal əlavə edilib. Azərbaycan hazırda 18.125 əmsalla 29-cu pillədə qərarlaşıb. Cari mövsümdəki əmsal isə 3,875-ə çatıb.
UEFA-nın qərarı ilə klubları avrokuboklarda iştirak etməyən Rusiya 18.632 xalla 28-ci sıradadır.
Reytinqə 98,678 əmsalla İngiltərə başçılıq edir. İspaniya (84,739) ikinci, İtaliya (80.998) isə üçüncü pillədə qərarlaşıb./Report