Bakı, 14 iyun 2025-ci il – Bu gün Bakının “Badamdar Biznes & Residence Complex”in Zalında Vəhdət Partiyasının növbədənkənar VI Qurultayı keçirildi. Qurultayda ölkənin bütün rayonlarından seçilmiş 510 nümayəndə, eləcə də təxminən 50-60 ictimai-siyasi qonaq iştirak etdi.

Tədbir Azərbaycan Respublikasının Dövlət Himni ilə başladı, şəhidlərin əziz xatirəsi bir dəqiqəlik sükutla yad edildi. Gündəlikdəki məsələlər üzrə çıxışlar zamanı bütün nümayəndələrə fikirlərini sərbəst və açıq ifadə etmək imkanı yaradıldı.

Qurultayın əsas qərarı ilə Adəm İsmayıl Bakuvi tam səs çoxluğu ilə, açıq səsvermə yolu ilə partiyanın yeni sədri seçildi. Yeni sədr Qurultay qarşısında öz siyasi platformasını və Vəhdət Partiyasının strateji hədəflərini təqdim etdi.

Tədbirin sonunda Qurultay nümayəndələri Azərbaycan Respublikasının Prezidenti cənab İlham Əliyevə müraciət qəbul etdilər. Bu müraciətdə dövlət başçısının apardığı siyasətə dəstək ifadə olundu və milli birliyə çağırış yer aldı.

Qurultay Azərbaycan Dövlət Himninin səsləndirilməsi ilə yekunlaşdı.