“Real”ın braziliyalı hücumçusu Vinisius Junior İspaniya çempionatının 10-cu turunda “Barselona” ilə oyunda baş verən qalmaqallı davranışından sonra klubun baş məşqçisi Xabi Alonso ilə görüşüb.

Adalet.az xəbər verir ki, Vinisius əvəzlənməyə verdiyi əsəbi reaksiyaya görə komanda yoldaşlarından üzr istəyib. Qeyd olunur ki, həmin görüşdə yalnız futbolçular iştirak ediblər. Xabi Alonso ilə görüş isə komanda daxilindəki söhbətdən sonra baş tutub.

Məlumata görə, həm futbolçular, həm klub, həm də Xabi Alonso onun üzrünü qəbul ediblər.

Xatırladaq ki, “Barselona” ilə oyunda 72-ci dəqiqədə əvəzləndikdən sonra Vinisius Alonsona narazılığını bildirib və meydanı tərk edərək tunelə yollanıb. Daha sonra onun və Alonsonun münasibətlərinin pisləşdiyi, futbolçunun klubdan ayrılmaq imkanını nəzərdən keçirdiyi qeyd olunub.