Xalq artisti Afaq Bəşirqızı illər əvvəl yaşadığı əzablı həyatından söz açıb.

Adalet.az bildirir ki, aktrisa “Pryanik zavodu”nda işlədiyi vaxtlarda  yaşadığı acı xatirəsini xatırlayıb:

İndi hər kəs  ekranlarda  mərd, dözümlü, sözünün kəsəri olan Afaq Bəşirqızını görür. Amma bu görüntünün alt qatında yaşananları çoxları bilmir. Mən Afaq olmaq üçün çox əziyyətlərə qatlaşdım. Atamın zamansız ölümü ilə ikinci dəfə yetim qaldım. Bu həyatımın mənəvi yükünü daha da artırırdı. Çətindir bu yükün altından çıxıb, həyata sinə gərib düz yaşamaq. Həyata sinə gərmək iki cür olur: namusu qorumaqla və  aclığa dözməklə. Həyat gördündüyü qədər asan deyil. Atamdan qalan evi öz adına keçirmək üçün analığım  iş yerimə gəlmişdi. Onda mənim 16-17 yaşım olardı. Pryanik zavodundan işləyirdim. Qolumla alnımın tərini silib həmin sənədə qol çəkdim. Heç düşünmədən, sonumun nə olacağını fikirləşmədən bu addımı atdım”.

Əntiqə