Azərbaycan Xarici İşlər Nazirliyi Beynəlxalq Holokost Qurbanlarını Anım Günü ilə bağlı paylaşım edib.

Adalet.az xəbər verir ki, nazirlik bununla bağlı rəsmi "X" sosial media hesabında yazıb.

"27 yanvar - Beynəlxalq Holokost Qurbanlarını Anım Günündə biz bəşər tarixinin ən iyrənc vəhşiliklərindən birinin qurbanlarını xatırlayır və yad edirik.

Biz dini və etnik nifrətə, soyqırıma və insanlığa qarşı cinayətlərə qarşı birləşirik və antisemitizmin və ksenofobiyanın bütün formalarına, həmçinin dözümsüzlük təzahürlərinə qarşı çıxırıq", - paylaşımda qeyd olunub.