Düz otuz dörd ildən çoxdur ki, Yeni  Günəşlidə yaşayırıq.Burada əsas küçələrdən biri sayılan, " Ballı market" in yanından uzanıb gedən Abbas Fətullayev  küçəsində nə sol, nə də sağ hissədə səki salınmayıb.

Əgər düşünsək ki,  bu yol Suraxanı Tibb Mərkəzinə gedib çıxır, onda piyadaların hansı təhlükə yaşadığını aydın dərk edərik.Səki olmadığına görə piyadalar yolun hərəkət hissəsinə çıxır və ora ilə yeriyirlər.  Bu isə həm an avtomobilin piyadanı vurması  ilə nəticələnə bilər.Həminyolda su xəttinin çəkilişilə əlaqədar olaraq  yol bərbad günə düşüb, yeni bir problem yaranıb. Əlaqədar qurumlar bildirir ki, su xəttinin çəkilməsindən sonra bu küçədə  səki də salınacaq.

Bu sözü əlaqədar qurumlar dəfələrlə səsləndirib, təəssüf ki,  vədlərini yerinə yetirməyib. Çox istərdik ki, bu dəfə aidiyyatı qurum yalan danışmaya və verdiyi sözü yerinə yetirə!

Emil Faiqoğlu