Beş-on gündən bir  Manaf Ağayev televiziyalarda  Məhərrəm Astaralının toy üçün yazdığı mahnıları oxuyur.

Bəh- bəhlə  də tərifləyir ki, bu mahnılardan olmaz. Elə mahnıları balaca uşaq da oxuyar. İnsafən , Manaf pis müğənni deyil. Və şirin səsi var. Sadəcə  olaraq  sənətə yox, toya işləyir. İstəsə bəstəkar mahnıları da oxuyar. Deyəcəksiniz ki, Məhərrəm Astaralı bəstəkar  deyil. O, mahnılar yazır və yazdığı mahnıların da ömürü uzaqbaşı dörd- beş ildir. Amma hər mahnı yazan da bəstəkar deyir.

Manaf Ağayev zəhmət çəkib, Cahangir Cahangirovun,  Bəhram Nəsibovun, Oqtay Kaziminin, Emin Sabitoğlunun, Ələkbər Tağıyevin, Tahir Əkbərin  mahnılarını oxusaydı,  daha böyük mügənni olardı. Amma oxumadı, oldu indiki Manaf Ağayev. Və ona  görə də musiqi aləmində  sənətin uca zirvəsinə qalxa bilmədi.O, vətənpərvər, xeyirxah, yetimə - yesirə arxa duran, kömək edən oğlandır.  Onu sevənlər, xoşlayanlar çoxdur və toyu da  gözəl aparır, canlı oxuyur!

Emil Faiqoğlu