“Yalan xəbərlər də daxil olmaqla, haqqımda çox şey danışıldı, yazıldı”.

Adalet.az xəbər verir ki, bu sözləri Almaniyanın “Nürnberq” komandasının azərbaycanlı hücumçusu Mahir Emreli 2-ci Bundesliqanın XXIX turunda “Kayzerslautern”lə keçirilmiş oyunda vurduğu qolu şərh edərkən deyib.

O, yazılanlara fikir vermədiyini, sakit və israrla öz üzərində işlədiyini bildirib: “Heç vaxt özümə olan hörməti itirmədim. Nəyə görə mübarizə apardığımı göstərdim. Vurduğum qol üç xaldan daha çox mənanı ifadə edir. Bunu mənə inanan hər kəsə - komanda yoldaşlarıma, məşqçilər heyətinə və xüsusən də azarkeşlərə həsr edirəm. İnanılmaz dəstəyinizə görə təşəkkürlər. Növbəti oyunda görüşərik”.

Qeyd edək ki, görüş “Nürnberq”in 2:1 hesablı qələbəsi ilə yekunlaşıb.