Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə 04, 05 noyabr 2024-cü il tarixlərdə 44 günlük Vətən müharibəsində qələbənin 4-cü ildönümünə həsr olunmuş «ZƏFƏRİMİZ-ŞƏRƏFİMİZ» bədii qiraət müsabiqəsi keçirildi.

Teatr Xadimləri İttifaqının Mustafa Mərdanov səhnəsində keçirilən müsabiqənin 1-ci günü Azərbaycan Dövlət Akademik Milli Dram Teatrı, Akademik Rus Dram Teatrı, Milli Gənc Tamaşaçılar Teatrı, Sumqayıt Dövlət Dram Teatrı, Bakı Bələdiyyə Teatrı, Naxçıvan Dövlət Milli Musiqili Dram Teatrı, Füzuli Dövlət Dram Teatrı, Ağdam Dövlət Dram Teatrı, Gəncə Dövlət Kukla Teatrı, Qazax Dövlət Dram Teatrı, Qusar Dövlət Ləzgi Dram Teatrı, Lənkəran Dövlət Dram Teatrı, Salyan Dövlət Kukla Teatrı, Şəki Dövlət Dram Teatrı, Azərbaycan Dövlət Mədəniyyət və İncəsənət Universiteti və Bakı Dövlət Universitetini təmsil edən iştirakçılar çıxışlarını təqdim  etdilər. Münsiflər heyətinin üzvləri – Əməkdar artist Azad Şükürov (sədr), Xalq artistləri Hacı İsmayılov və İlham Namiq Kamal, Əməkdar İncəsənət xadimi Hafiz Quliyev və mədəniyyətşünas Aidə Qafarova Şanlı Zəfər tariximizə həsr olunmuş nümunələri canlı şəkildə dinləyib, yekun qərar verdilər.

Münsiflər heyətinin qərarına görə “ZƏFƏRİMİZ-ŞƏRƏFİMİZ” bədii qiraət müsabiqəsinin nəticələri aşağıdakı kimi müəyyən edildi:

Azərbaycan Dövlət Akademik Milli Dram Teatrının aktrisası Məhsəti Tahirzadə, Azərbaycan Dövlət Akademik Rus Dram Teatrının aktyoru Yaroslav Trifonov, Azərbaycan Dövlət Milli Gənc Tamaşaçılar Teatrının aktyoru Rəşad Səfərov, Bakı Bələdiyyə Teatrının aktrisası Günel Həmidova, Naxçıvan Dövlət Milli Musiqili Dram Teatrının aktyoru Nəsimi Məmmədzadə, Lənkəran Dövlət Dram Teatrının aktrisası Banu Muharrem, Salyan Dövlət Kukla Teatrının aktrisası Mirxədicə Mirzəyeva, Qusar Dövlət Ləzgi Dram Teatrının aktrisası Ramella Rzayeva, Gəncə Dövlət Kukla Teatrının aktyoru Məhəmməd Hacıyev, Şəki Dövlət Dram Teatrının rejissoru Elvin Nuri, Mina Şıxova (Müstəqil iştirakçı), Füzuli Dövlət Dram Teatrının aktrisası Gülgəz Soltanova, Qazax Dövlət Dram Teatrının aktrisası Məlahət Vəliyeva, Ağdam Dövlət Dram Teatrının aktyoru Elmir Hümbətov, Azərbaycan Dövlət Mədəniyyət və İncəsənət Universitetinin IV kurs tələbəsi Kənan Hüseynov uğurlu iştiraka görə; 

Azərbaycan Dövlət Akademik Milli Dram Teatrının aktrisası Nəzrin Abdullayeva, Azərbaycan Dövlət Akademik Rus Dram Teatrının aktyorları – Ruslan Pavlov və Dilarə Nəzərova, Naxçıvan Dövlət Milli Musiqili Dram Teatrının aktyorları – Zakir Fətəliyev və Şölə Alışova, Azərbaycan Dövlət Milli Gənc Tamaşaçılar Teatrının aktrisası Səbinə Məmmədzadə, Kamil Nazim (Müstəqil iştirakçı), Sumqayıt Dövlət Dram Teatrının aktrisası Şəhla Məmmədova, Bakı Dövlət Universitetinin tələbəsi, Aysu İsmayılova, Safura Heydərova (Müstəqil iştirakçı), Ağdam Dövlət Dram Teatrının aktyoru Hakim Cəfərli, Bakı Bələdiyyə Teatrının aktyoru Elməddin Zakirli, Gəncə Dövlət Kukla Teatrının aktyoru Saleh Cümşüdlü, Azərbaycan Dövlət Mədəniyyət və İncəsənət Universitetinin III kurs tələbəsi Əliulla Vəliyev, IV kurs tələbəsi Fatimə İsayeva müsabiqədə iştiraka görə diplomla təltif olundular. 

05 noyabr tarixində müsabiqə iştirakçılarına diplomlar təqdim olundu. 

İttifaqın Sədri Hacı İsmayılov iştirakçıları salamladıqdan sonra tədbir iştirakçıları şəhidlərin ruhunu bir dəqiqəlik sükutla yad etdilər. Çıxış edənlər – Hacı İsmayılov, Azad Şükürov, İlham Namiq Kamal, Hafiz Quliyev  44 günlük Vətən müharibəsində Şanlı qələbəmizdən, keçirilən müsabiqənin əhəmiyyətindən danışdılar. Diplomların təqdimatından sonra iştirakçılarla xatirə şəkilləri çəkildi.