"Avropa İttifaqı Ermənistanla Azərbaycan arasında münasibətlərin normallaşmasına ehtiyacı var. Bu nizamlanmanın sırf Azərbaycanın, yoxsa Ermənistanın ideyaları əsasında qurulmasının Aİ üçün heç bir əhəmiyyəti yoxdur".

Adalet.az xəbər verir ki, bunu erməni politoloq Armen Baqdasaryan deyib.
"Onlar üçün, açıq desək, Zəngəzurdan keçən yola ermənilərin və ya azərbaycanlıların nəzarət etməsinin fərqi yoxdur. Onlar üçün bu yolun işləməsi, Rusiya və İranın nəzarətindən kənarda olması vacibdir".
Erməni politoloq onu da vurğulayıb ki, Avropa Rusiyanı heç vəchlə yaxına buraxmaq istəmir:" Avropada Rusiyanı təkcə hərbi deyil, həm də iqtisadi və enerji təhlükəsi hesab edirlər və alternativlərdən biri, bəlkə də əsası Rusiyadan yan keçməklə Cənubi Qafqazdan logistika marşrutlarının açılmasıdır"- deyə politoloq erməniləri əmin edib.
Qeyd edək ki, Baqdasaryan Ermənistan o yoldan istifadə edə bilməyəcəyini də dəfələrlə vurğulamışdı:"Yeraşxdan (Arazdəyən) keçməklə Paruyr Sevak kəndindən Tiqranaşenə (Kərki) qədər yolun çəkilməsi həmin əraziyə Azərbaycanın tam nəzarət etməsinə imkan verəcək. Yəni təkcə anklavları deyil, onları birləşdirən yolları da istəyirlər ki, bu halda Ermənistan artıq daxildən mühasirəyə düşəcək”.

Əntiqə Rəşid