ABŞ administrasiyası Rusiyanın Ukrayna ilə atəşkəs əldə etmək şərtlərini, o cümlədən kənd təsərrüfatı məhsullarının ixracına qarşı sanksiyaların ləğvini nəzərə alır.

Adalet.az xəbər verir ki, bunu prezident Donald Tramp iki ölkənin ekspert qrupları arasında aparılan danışıqların nəticələrini şərh edərkən deyib.

Tramp Ağ Evdə jurnalistlərə açıqlamasında bildirib ki, "bütün təkliflərə baxacaq".  

Rusiya və ABŞ nümayəndə heyətlərinin Ər-Riyadda əldə etdiyi razılaşmalara Qara Dəniz Təşəbbüsü (naviqasiyanın təhlükəsizliyi, mülki gəmilərin hərbiləşdirilməsinə qadağa, yoxlamalar) və sığorta tariflərinin aşağı salınması və limanların açılması yolu ilə Rusiyanın qlobal kənd təsərrüfatı bazarlarına çıxışına ABŞ-nin yardımı daxildir.