Son illər  Azərbaycanda dəm qazından ölənlərin sayı ilbəil artır. Ötən il nisbətən bu il  bu faciənin qurbanlar bir az da  çoxalıb
 Çox təəssüflə ki, nə " Azəriqaz" , nə də digər qurumlar güdən- günə artan ölüm faktlarının qarşısını ala bilmir.

Deyirlər ki, dəm qazından ölüm hallarının baş verməsinə səbəb qeyri - standart qaz cihazlarından istifadə etməkdir. Yaxşı bu fikrinən razıyıq. Amma onunla razı deyilik ki, o qeyri-standart deyilən  cihazların da çoxu zavod istehsalıdır və sertifikatı var. Dəm qazından boğulmalarla  bağlı " Azəriqaz ' evlərdə , mənzillərdə yoxlamalar aparıb, mövcud nöqsanlarla bağlı aktlar tərtib edilib. Və  texniki qüsurlara yol verən abonentlərə xəbərdarlıq olunub.

Bir çox mənzil sahibləri suqızdırıçı cihazları hamam otağından çıxarıb ya mətbəxdə , ya eyvanda quraşdırıblar. Bununla müəyyən təhlükələr aradan qaldırılıb. Amma məsələnin bir tərəfi də  var ki,  mənzillərə verilən təbii qazın keyfiyyəti də yaxşı deyil. Başqa sözlə demiş olsaq, emal zamanı qazın tərkibindəki zəhərli maddələr tamamilə çıxarılmır. Heç sovet dönəmində qazdan  ölüm faktları bu qədər çox deyildi.Çünki onda hər şeyə  güclü nəzarət vardı. Amma indi belə nəzarət yoxdur.

Bəzən də qaz sobalarının  dəm qazı çıxan yerində quş yuva qurur, ancaq bunu ev sahibləri görmür. Bir neçə gün bundan əvvəl Tərtər rayonununda evlərin  birində  qaz sobasının dəm qazı çıxan yerində quş yuva qurubmuş və nəticədə bir ailənin dörd üzvü dəm qazından  boğularaq ölün. Bax, bu, faciə deməkdir. Bu faciələrin qarşısını hələ ki, alan yoxdur!!!

Emil Faiqoğlu