İndoneziyada ən azı 91 şagird məktəb damının uçması nəticəsində dağıntılar altında qalıb. 

Adalet.az xarici KİV-ə istinadən xəbər verir ki, onlar təxminən iki gündür dağıntılar altındadır. Xilasetmə işləri davam etdirilir. 

Xatırladaq ki, Şərqi Yava əyalətində Əl-Hosini İslam internat məktəbinin damı uçub. Məktəbdə yüzlərlə insan, əsasən də yeniyetmə oğlanlar olub. Ən azı üç məktəbli həlak olub, daha 100 nəfər yaralanıb, onların çoxu kəllə-beyin travması və sınıqlarla xəsarət alıb.