“Türkiyə prezidenti R.T.Ərdoğanın baş müşaviri Oktay Saralı vəzifəsindən azad edəndən sonra verdiyi “qardaşlığımıza dinamit qoymaq istəyənlərə imkan verməyəcəyik” açıqlaması xüsusilə diqqəti cəlb edir.Bu gecikən açıqlama olsa da, Türkiyədə Azərbaycana qarşı informasiya hücumlarına bundan sonra son veriləcəyinə ümid yaradır”.

Adalet.az xəbər verir ki, bunu hərbi ekspert Ədalət Verdiyev deyib. 

“Azərbaycanın Türkiyədə “arzuolunmaz şəxs” elan etdiyi 31 nəfərdən biri – “Köklü Dəyişim” (Köklü Değişim) hərəkatının İstanbul təmsilçisi Məhəmməd Emin Yıldırım saxlanılması, digəri - səfirliyimizin qarşısındakı aksiyada iştirak edən Fateh Ərşahin ifadəsi alınması üçün polisə çağırılması münasibətlərin bərpası istiqamətində atılan müsbət addımdır, amma nə bu addım, nə də Saralın vəzifədən atılması yetərli deyil.Azərbaycan Respublikası Baş Prokurorluğu tərəfindən axtarışa verilən və Türkiyədə yaşayan şəxslərin Azərbaycana verilməsini səbirsizliklə gözləyirik. Din pərdəsi altında Azərbaycana qarşı siyasi fəaliyyət göstərən, Türkiyə ilə qardaş münasibətəri korlayan mütəşəkkil qruplaşma tam tərkibdə aşkar edilməli, qruplaşmanın hər bir üzvü olan din tacirləri əməllərinə görə cavab verməlidir”, - deyə o, bildirib.

Vasif ƏLİHÜSEYN