“Amerikalılar Ermənistanda anti-Rusiya və anti-İran əhval-ruhiyyəsini fəal şəkildə qızışdırırlar”.

Adalet.az xəbər verir ki, bunu erməni politoloq Arman Abovyan özünün sosial şəbəkə hesabında yazıb.

O daha sonra yazır:”ABŞ-ın Ermənistan Müdafiə Nazirliyi yanında hərbi nümayəndəsinin mövqeyi rəsmən təsdiqlənib. (Unutmayın ki, de-yure Ermənistan və Rusiya strateji müttəfiqdirlər və ruslar eyni amerikalılara qarşı vasitəçi müharibə aparırlar). Ermənistan və ABŞ birgə hərbi təlimlər keçirir və bu təlimlər, şübhəsiz ki, Türkiyə-Azərbaycan tandemini cilovlamaq məqsədi daşımır. Paralel olaraq, Rusiyaya qarşı təxribat xarakterli informasiya siyasəti aparan erməni hökumətyönlü şəxslərin (Nazirlər Şurasının katibi, Milli Assambleyasının sədri və Milli Məclisin deputatları) anti-Rusiya əhval-ruhiyyəsinin sərsəmləşməsi müşahidə olunur”.
Erməni politoloq digər nüanslara da diqqət çəkir:”Eyni zamanda, Ermənistanda iqtisadi artım müstəsna olaraq Rusiya Federasiyası ilə iqtisadi əlaqələrlə müəyyən edilir.

Burada isə...Rusiya Federasiyasına idxal edilən ərzaq məhsullarının keyfiyyətini tənzimləyən Rusiya dövlət orqanı (Rospotrebnadzor) Ermənistandan kənd təsərrüfatı məhsullarının (indiyə qədər pomidor və alma) idxalını qadağan edir.
Yəni yüzlərlə ton meyvə-tərəvəz yeganə bazardan məhrumdur. Daha dəqiq, minlərlə insan, onların ailəsi, övladları, qohumları əsas qazanclarından məhrumdur.
Yuxarıdakı hadisələrin bir-biri ilə əlaqəsi varmı?ABŞ Ermənistanın kənd təsərrüfatı məhsullarını ixrac etməyə, yoxsa erməni fermerlərinin itkilərini kompensasiya etməyə hazırdırmı?
İndi bir sual. Ermənistan tərəfi İran və Rusiyaya qarşı düşmənçilik siyasətini davam etdirərək, sonuncunu bilərəkdən Ermənistanın düşməninə çevirsə, hadisələr necə inkişaf edəcək?
Ermənistan-Rusiya münasibətlərinin davamlı şəkildə pisləşməsi ilə bağlı Türkiyə və Azərbaycanın siyasi elitasındakı sevinc və kədəri təsəvvür edə bilirəm”.

 Əntiqə Rəşid

Qeyd edək ki, politoloq Armen Abovyan baş nazirə qarşı çıxanlardan biridir və 2020-ci il müharibəsindən sonra ən çox verdiyi açıqlama bu üslubdadır: "Bizim sonumuzdur, erməni dövlətçiliyi məhv olmaq üzrədir"

 Əntiqə Rəşid