ABŞ prezidenti Donald Tramp təsdiq edib ki, onun göstərişlərinə uyğun olaraq, ABŞ Hərbi Dəniz Qüvvələrinə məxsus iki nüvə sualtı qayığı Rusiya yaxınlığındakı konkret əraziyə yerləşdirilib.

Adalet.az xəbər verir ki, o, bu  barədə Vaşinqtonda jurnalistlərin sualtı qayıqların artıq yerləşdirilib-yerləşdirilməməsi ilə bağlı sualı cavablandırarkən deyib

"Mən artıq bəyanat vermişəm və cavab budur ki, onlar regiondadırlar". 

Tramp Rusiya Təhlükəsizlik Şurasının sədr müavini Dmitri Medvedevin bəyanatlarından sonra iki nüvə sualtı qayığının təhvil verilməsi əmrini amerikalıları qorumağa çalışdığı üçün verdiyini izah edib.

"Sadəcə diqqətli olmalıyıq. Bizi təhdid etdilər və qərara gəldik ki, bu təhdidlər yanlışdır və buna görə də ehtiyatlı olmalıyıq", - prezident jurnalistlərə deyib.

Xatırladaq ki, Tramp əvvəllər Medvedevin sosial şəbəkələrdəki şərhlərinə cavab olaraq nüvə sualtı qayıqlarını “müvafiq bölgələrdə” yerləşdirəcəyini bildirmişdi.