Bu sözləri Milli Məclisin deputatı Vahid Əhmədov deyib. O deyib ki, cənab prezident bütün pensiyaları, təqaüdləri, ünvanlı sosial yardımları və müavinətləri artırır, bir çox şeylərin qiymətləri də o dəqiqə süni şəkildə bir neçə dəfə bahalaşdırılır. Bu isə camaatın haqlı narazılığına səbəb olur. Əvvəllər biz Rusiya istehsalı olan «ASS» dərmanını 3 manat 80 qəpiyə alırdıq. Bir neçə gün bundan qabaq həmin dərmanı apteklərin birindən aldıq və məlum oldu ki, onun qiyməti bahalaşaraq 5 manat 65 qəpiyə çatıb. Balam, bu necə bahalaşdı, nə təhər artdı, onu bilmək olmur?!

Hansı ki, qiymətlərin artımını Tarif Şurası müəyyənləşdirir. İndi bəzi apteklər heç Tarif Şurasını saya saymırlar. Özləri istədikləri qiymətə dərman satırlar. Bunun isə bir adı var: özbaşınalıq və dərəbəylik! Bu özbaşınalığın və dərəbəyliyin qarşısı nə vaxt alınacaq, bax, onu bilmək olmur!

Emil FAİQOĞLU