Rusiyanın dondurulmuş aktivlərindən əldə olunan gəlirlər G7 ölkələri tərəfindən Ukraynaya verilən hərbi kreditlərə zəmanət kimi istifadə olunur.

Adalet.az-ın məlumatına görə, bunu Brüsseldə Avropa Siyasət Mərkəzində çıxış edən Aİ Şurasının prezidenti Antonio Kosta deyib.

"Aktivlərin dondurulmamasının çox praktik səbəbi var. Dondurulmuş aktivlərdən əldə edilən gəlirlər indi Ukraynaya təkcə Aİ ölkələri deyil, həm də Yaponiya, Kanada və ABŞ tərəfindən verilən G7 kreditləri üçün zəmanətdir. Aİ bu zəmanətləri qorumalıdır", - o qeyd edib.

Aİ Şurasının 2023-cü il dekabr tarixli qətnaməsinə əsasən, Rusiyanın dondurulmuş aktivlərindən əldə edilən gəlirə əsaslanan G7 kredit proqramı 40 milyard avroya qədərdir. Kreditlərin tam ödənilməsi 2040-cı ilə qədər tamamlanmalıdır.

Koşta, həmçinin vurğulayıb ki, dondurulmuş Rusiya aktivləri Ukraynaya ödənişlər üçün istifadə edilməlidir.

"Dondurulmuş aktivlər və Ukraynaya təzminat məsələsi istənilən sülh danışıqlarının bir hissəsi olmalıdır. Biz təzminat məsələsi həll olunana qədər aktivləri dondurulmuş vəziyyətdə saxlayacağıq", - o əlavə edib.

Aİ Şurasının rəhbərinin sözlərinə görə, qaydalara əsaslanan beynəlxalq nizam Ukraynadakı münaqişədə qalib gəlməlidir./report