Ali Məhkəmənin Mülki Kollegiyasının sədri Albaniyaya səfər edib

9-11 may 2023-cü il tarixlərində Albaniya Respublikası Ali Məhkəməsinin 110 illik yubileyi münasibətilə keçirilən tədbirlərdə iştirak etmək məqsədilə Azərbaycan Respublikası Ali Məhkəməsinin Mülki kollegiyasının sədri Sənan Hacıyev Albaniya Respublikasında səfərdə olub.
Tədbir çərçivəsində mayın 10-da Tirana şəhərində “Ali Məhkəmənin məhkəmə təcrübəsi, milli kimlikdən universal dəyərlərə doğru” mövzusunda beynəlxalq konfrans keçirilib. Konfransda Albaniya Respublikasının Prezidenti Bayram Begay, Ali Məhkəmənin sədri vəzifəsini icra edən Sokol Saduşi, Ali Məhkəmə Şurasının sədri Naureda Ligami, Konstitusiya Məhkəməsinin sədri Holta Zaçaj, İnsan Hüquqları üzrə Avropa Məhkəməsinin hakimi Darian Pavli, bir sıra Avropa dövlətlərin Ali Məhkəmələrinin rəhbər şəxsləri, hakimləri, xarici dövlətlərin Albaniya Respublikasındakı səfirləri və beynəlxalq təşkilatların nümayəndələri iştirak ediblər.
Konfransda daxili məhkəmə mədəniyyətinin formalaşmasında məhkəmə təcrübəsinin rolu, beynəlxalq standartların Ali Məhkəmələrin məhkəmə təcrübəsinə təsiri, ədalət mühakiməsinin həyata keçirilməsində İnsan Hüquqları üzrə Avropa Məhkəməsinin və Avropa İttifaqının Ədalət Məhkəməsinin qərarlarının milli məhkəmə təcrübəsinə təsiri mövzusunda təşkil olunan panellərdə çıxışlar edilib, müzakirələr aparılıb.
Digər Xəbərlər

Qərbi Azərbaycanda cinayət törətmiş şəxslər məsuliyyətə cəlb olunacaq - Baş prokuror AÇIQLADI

Vaqif Xaçaturyanın cinayət işinə baxacaq hakim MƏLUM OLDU

“İran tərəfi Fərid Səfərli ilə bağlı məsələyə bir daha baxacaq” - Kamran Əliyev

“Ermənistanın mina və kütləvi məzarlıqlarla bağlı verdiyi xəritələr düz deyil” - Baş prokuror

"Könüllü təslim olsunlar" - Kamran Əliyevdən cinayət törətmiş ermənilərə MÜRACİƏT

Prokurorluq orqanlarının yaranmasından 105 il ötür

Hərbçimizin şəhid olması faktı ilə bağlı cinayət işi açıldı
