"Apple" uşaqların cinsi istismarına qarşı qaydaların pozulması səbəbilə "Telegram" tətbiqinin "App Store"dan qısa müddətə çıxarıldığını açıqlayıb.

Adalet.az xəbər verir ki, şirkət apardığı yoxlama zamanı "Telegram" platformasında "App Store" siyasətinə zidd məzmun aşkarlandığını bildirib.

Məlumata görə, sözügedən materiallar "Telegram" tərəfindən operativ şəkildə silinib, həmin məzmunu paylaşan istifadəçinin hesabı isə bloklanıb. Bundan sonra tətbiqin "App Store"da yenidən yayımlanmasına icazə verilib.

Qeyd edək ki, "Telegram"ın yaradıcısı Pavel Durov daha əvvəl Rusiya tərəfindən terrorçular və ekstremistlər siyahısına daxil edilmişdi.