“Bu gün aqrar sahənin inkişaf etdirilməsi üçün ixtisaslı kadrlara böyük ehtiyac var”.

Adalet.az xəbər verir ki, bunu Milli Məclisin Aqrar siyasət komitəsinin bu gün keçirilən iclasında komitə sədri Tahir Rzayev deyib.

“Müəyyən durğunluq illərində sonra proseslərdə bu sahəyə diqqət bir az zəif olub. Ona görə də hazırda aqrar sektorla bağlı ixtisaslı kadr çatışmazlığı var. Belə bir fəaliyyəti müvafiq orqanlarla birgə Azərbaycan Dövlət Aqrar Universiteti həyata keçirir. Ona görə də Milli Məclisdə həmin universitetlə birlikdə ictimai dinləmənin keçirilməsi lazımdır”, - deyə komitə sədri bildirib.