"Real"ın futbolçusu Arda Güler Madrid klubunda yubiley matçına çıxıb.

Adalet.az xəbər verir ki, Türkiyə millisinin üzvü "Real"da 100-cü oyununu keçirib.

UEFA Çempionlar Liqasının pley-off mərhələsinin "Benfika" ilə cavab matçı Türkiyə millisinin üzvü üçün əlamətdar olub. Arda 21 yaşını və yubileyini eyni gündə qeyd edib.

Klub prezidenti Florentino Peres oyundan əvvəl Ardaya üzərində 100 yazılmış xatirə formasını təqdim edib.

Qeyd edək ki, 2023-cü ildən "Real"da çıxış edən Arda komanda ilə hərəsi bir dəfə olmaqla Çempionlar Liqası, Klublararası Dünya Kuboku, UEFA Superkuboku,  La Liqa və İspaniya Superkubokunu qazanıb.