"Biz artıq Azərbaycanın tamamilə başqa mərhələdə inkişaf etdirilməsinin şahidi oluruq. Bunu əyani şəkildə 8 avqust Vaşinqton görüşlərində gördük".

Adalet.az xəbər verir ki, bunu Milli Məclisin Beynəlxalq münasibətlər və parlamentlərarası əlaqələr komitəsinin bu gün keçirilən iclasında komitə sədri Səməd Seyidov deyib.

Komitə sədri bildirib ki, bu gün Azərbaycan öz müstəqilliyini və suverenliyini ən yüksək səviyyədə müdafiə etmək imkanındadır və bunu əyani şəkildə göstərir.

"AŞPA başa düşməlidir ki, Azərbaycan artıq tamamilə yeni reallıqdadır", - S.Seyidov bildirib.