Avropa İttifaqının xarici siyasət departamentinin rəhbəri Josep Borrell bazar ertəsi Aİ ölkələrinin xarici işlər nazirlərinin görüşündən sonra nazirlərin qeyri-rəsmi görüşünün sədrlik edən Macarıstanda deyil, avqust ayında Brüsseldə keçirilməsinə qərar verildiyini açıqlayıb. 

Adalet.az BBC-yə istinadən xəbər verir ki, bu, Macarıstanın baş naziri Viktor Orbanın Ukrayna ilə bağlı mövqeyinə cavabdır.

"Mən başa düşdüm ki, simvolik olsa da, siqnal göndərməliyik ki, əgər siz Avropa İttifaqının əsas siyasətinə qarşı çıxsanız və onu döyüşən tərəf adlandıraraq Avropa İttifaqının siyasətini rədd etsəniz, bunun bəzi nəticələri olmalıdır. Onlar formal nəticələr, simvolik nəticələr olsa belə. Xüsusi bir şey olmayacaq, amma düşünürəm ki, bu münasibəti nümayiş etdirmək və xarici işlər və müdafiə nazirlərinin növbəti qeyri-rəsmi görüşlərinin Brüsseldə keçirilməsinə çağırış etmək məqsədəuyğun olardı", - Borrell nazirlərlə görüşdən sonra bildirib.

Qeyd olunub ki, adətən qeyri-rəsmi görüşlər Aİ-yə sədrlik edən ölkədə keçirilir.