adalet.az header logo
  • Bakı 9°C
  • USD 1.7
27 Sentyabr 2022 11:37
186
SİYASƏT

Azərbaycan onları soyqırımdan xilas etməlidir - Asif Yusifli yazır

Müstəqil rusdilli mənbələrdə yer alan məlumata görə 3 milyon əhalisi olan Dağıstana son səfərbərlikdə 15 min çağırışçı planı qoyulub.

Eyni sayda əhalisi olan Nijni Novqorod vilayətinə bunun yarısı qədər 7.500 çağırışçı planı qoyulub. Əhalisi Dağıstandan 6 dəfə çox olan Moskvaya isə 16 min çağırışçı planı gəlib.

Digər milli respublikalara qarşı da eyni proporsiyada çağırışçı planları qoyulur. Bu da qeyri ruslara qarşı soyqırım siyasətidir.

Bu günə qədər Ukraynadakı müharbədə Dağıstan verilən itki sayına görə birinci, Buryatiya ikinci yerdədir.

Monqolustan eyni soya malik Buryat, Tuva və Kalmıkları qırğından xilas etmək üçün proqram həyata keçirir. Onların öz ölkəsində sığınacaq tapmasına kömək edir.

Biz də etnik mənsubiyyətindən asılı olmayaraq qardaş Dağıstan xalqlarına qucaq açmalıyıq. Onları soyqırımdan xilas etməliyik.

Qeyd edim ki, 3 milyon əhalisi olan Dağıstanda 30-dan artıq xalq yaşayır. Onlardan bəzilərinin sayı bir neçə min nəfərdir. Ən çox saylı xalqların isə 300-400 min arası sayı var.

Belə azsaylı xalqların on minlərlə nəsil artırma yaşında olan gənclərini onlara aid olmayan, cinayətkar bir müharibədə qırğına vermək elə həmin xalqları mahiyyətcə soyqırımı etməkdir.

Azərbaycan hər bir Dağıstanlının ana vətəndir. Bu ağır gündə Azərbaycan onları soyqırımdan xilas etməlidir.