Azərbaycan ordusu HAVELSAN proqram təminatından istifadə edəcək. 

Adalet.az xəbər verir ki, Türkiyənin müdafiə sənayesi şirkəti HAVELSAN-ın Azərbaycan üzrə direktoru Erhan Abdullah Kanat Türkiyə Silahlı Qüvvələrinin istifadə etdiyi proqram təminatının Azərbaycanda da istifadə olunması üçün işlərə başladıqlarını və işlərin qısa müddətdə tamamlanacağını bildirib.

Azərbaycanın paytaxtı Bakının ev sahibliyi etdiyi Cənubi Qafqaz və Mərkəzi Asiya regionunun ən mühüm müdafiə sərgisi olan ADEX 2022-də 41 türk şirkəti iştirak edir. Türk firmaları, Müdafiə Sənayesi Başçılığının (SSB) koordinasiyasında, Müdafiə və Aviasiya Sənayesi İxracatçıları Birliyinin (SGİ) dəstəyi ilə yarmarkada ən böyük iştirakı təmin edir.

Türkiyənin müdafiə və informasiya texnologiyaları şirkəti HAVELSAN pilotsuz quru vasitəsi Barkan, pilotsuz uçuş aparatı Baha, Uçuş İzi Xarici Cisim, Qalıq Təsbit və Xəbərdarlıq Sistemi FODRAD və Quş Təsbit Radarı KUŞRAD kimi məhsul modellərini sərgiləyir.