“Beyin ölümü baş tutan xəstənin bir yerdən başqa yerə aparılması doğru deyil. Çünki bu zaman onun orqanlarından istifadə etmək mümkünsüz olur”.

Adalet.az xəbər verir ki, bunu deputat Rəşad Mahmudov parlamentin bugünkü plenar iclasında deyib.

Ölkəmizdə insanların yaxınlarının orqanlarını bağışlamağa könüllü olmadıqlarını təəssüflə qeyd edən deputat bildirib ki, istər vətəndaşlarda, istərsə də millət vəkillərində beyin ölümündən sonra əzizlərinin orqanlarının bağışlanması ilə bağlı ciddi problemləri var: "Biz, ilk növbədə bunu həll etməliyik. Əgər bu məsələ həll olunmasa, sıranın kimə verilməsininbir önəmi yoxdur".

Deputat onu da qeyd edib ki, Azərbaycanda bu günə qədər bircə dənə də olsun orqan bağışlanması hadisəsi olmayıb.

"Bu mədəniyyət formalaşmalıdır, əgər beyin ölümündən sonra biz cəmiyyət olaraq öz əzizlərimizin orqanlarını digər bir şəxsin həyatını qurtarmaq üçün bağışlaya bilmiriksə, bunu ciddi şəkildə düşünməliyik”, - deyə Rəşad Mahmudos əlvə edib.