Azərbaycanlı oğru Türkiyədən deportasiya edildi

Azərbaycanlı oğru Rafət Əmirov (Rafət Əli Bayramlı) Türkiyədən deportasiya olunub.
Adalet.az Qaynarinfo.az-a istinadən xəbər verir ki, hadisə yaxın günlərdə baş verib.
Rafət Əmirov uzun müddət idi ki, Türkiyədə məskunlaşmışdı. Lakin bir müddət əvvəl oranı müvəqqəti tərk edib. Geri dönəndə isə miqrasiya polisi tərəfindən saxlanılıb. O, Türkiyədən deportasiya edilib və bu ölkəyə girişi ömürlük məhdudlaşdırılıb.
Rafət Əmirov 1979-cu ildə Şirvan (Əli Bayramlı) şəhərində anadan olub. 2014-cü ildə Türkiyədə keçirilən "sxodka"da oğru titulu alıb.
Kriminal mənbələrdən əldə etdiyimiz məlumatlara görə, Rafət Əmirova oğru titulu verilən toplantıda Azərbaycanın kriminal dünyasının tanınmış simaları olan Arif Mehdiyev (Arif Sumqayitski), Yunis Nəzərov (Yunis Yasamalski) və Namiq Səlifov (Namiq Bakinski) iştirak edib. Həmin vaxt həbsdə olan Nadir Səlifov (Lotu Quli) da "Skype" vasitəsilə "sxodka"ya qatılıb.
Rafət Əmirovu taclandıran oğrulardan Nadir Səlifov istisna olmaqla digərləri həyatdadır. Nadir Səlifov isə 2020-ci ilin avqustunda Türkiyədə qətlə yetirilib.
Digər Xəbərlər

Bakıda 10 kq narkotik dövriyyədən çıxarılıb - VİDEO

Şirvanda narkokuryerlik edən şəxs tutuldu - VİDEO

Əvvəlki dövrlərdən bağlı qalan 6 cinayətin açılması təmin olunub

Cinayətdə şübhəli bilinən 40 nəfər saxlanıldı

Azərbaycanda 103 kriminal qrup zərərsizləşdirilib

Bu il Azərbaycanda qeydə alınan cinayətlərin sayı açıqlandı

"Vaqner"də döyüşmüş azərbaycanlılar həbs edildi - DTX-dən əməliyyat
