AzTU-ya yeni prorektor təyin olunub

Azərbaycan Respublikasının təhsil naziri Emin Əmrullayevin 11.08.2021-ci il tarixli əmrinə əsasən, Rəşad Əliyev Azərbaycan Texniki Universitetində (AzTU) Rəqəmsallaşma və layihələr üzrə prorektor vəzifəsinə təyin olunub.
Rektor Vilayət Vəliyev yeni prorektoru kollektivə təqdim edib.
Rektor bildirib ki, Rəqəmsallaşma və layihələr üzrə prorektor vəzifəsi AzTU-da yeni təsis olunub.
Bu vəzifəyə Rəşad Əliyevin təyin olunması təqdirəlayiqdir. Rektor yeni prorektora uğurlar arzu edib.
Rəqəmsallaşma və layihələr üzrə prorektor Rəşad Əliyev ona göstərilən etimada görə təhsil naziri Emin Əmrullayevə təşəkkür edib. O fəaliyyəti ərzində etimadı doğruldacağını bildirib.
Qeyd edək ki, Rəşad Əliyev 1997-2003-cü illərdə Türkiyə Respublikasının İstanbul Universitetində inzibati idarəetmə ixtisası üzrə bakalavr səviyyəsini bitirib.
2012-ci ildə Azərbaycan Dövlət İqtisad Universitetinin (UNEC) menecment ixtisası üzrə (MBA proqramı) magistr pilləsini bitirib.
2017-ci ildə isə ekonometriya ixtisası üzrə müdafiə edərək iqtisad üzrə fəlsəfə doktoru olub.
Hazırkı təyinatına kimi Rəşad Əliyev AzTU-nun “HÜB 1887 İnkubasiya və Akselerasiya Mərkəzi”nin müdiri vəzifəsini icra edib.
Digər Xəbərlər

Rus dilində təhsil dayandırılır? - Nazirlikdən AÇIQLAMA

Azərbaycan Universitetində magistratura səviyyəsi üzrə yeni ixtisas açılıb

Magistraturaya daxil olmaq istəyənlərin NƏZƏRİNƏ!

Xaricdən Azərbaycan universitetlərinə köçürülmək istəyənlərin NƏZƏRİNƏ!

DİM Azərbaycan dili fənni üzrə ikinci cəhd test imtahanı keçirəcək

II və III qruplara imtahan verəcək abituriyentin nəzərinə!

Azərbaycandan 500 gənc xaricdə təhsil alacaq
