ABŞ prezidenti Co Bayden Ukrayna prezidenti Volodimir Zelenskini Ağ Evdə görüşə dəvət edib.

Adalet.az xəbər verir ki, bu barədə Ağ Ev bəyanat yayıb. 

Məlumata görə, görüş dekabrın 12-də baş tutacaq, Bayden və Zelenski Ukraynanın təcili ehtiyaclarını müzakirə edəcəklər: "Liderlər Rusiyaya qarşı davam edən mübarizəni və ABŞ-nin Kiyevə davamlı dəstəyinin həyati əhəmiyyətini müzakirə etmək üçün görüşəcəklər". 

Ukrayna prezidentinin ofisi Zelenskinin bu gün Vaşinqtona gedəcəyini bildirib.