24 Noyabr 2022 13:39
131
DÜNYA

Ceyms Kleverli İranı qınadı: " Öz xalqına vəhşicəsinə zülm edən..." - FOTO

Son 2 ayda İran İslam Respublikasının hakim dairələri öz xalqına qarşı amansızlığı dünya gündəminə bomba kimi düşüb.

Xüsusən etiraz mitinqlərində həbs edilən gənc və yeniyetmə qızların polis idarələrində və həbsxanalarda zorlanması böyük səs –küyə səbəb olub.
Adalet.az xəbər verir ki, Böyük Britaniya xarici işlər naziri Ceyms Kleverli Tvitter hesabında paylaşım edib. O, paylaşımında İranda baş verən son hadisələrə münasibət bildirib:“İran öz nüvə proqramını daha da genişləndirir. Bu, hələ də rejimin qlobal təhlükəsizliyə yaratdığı təhdidin sübutudur. Öz xalqına qarşı daxildə vəhşicəsinə zülm edən bir rejim, şübhəsiz ki, bizim xaricdəki dost və müttəfiqlərimizi də hədələyəcək. İran heç vaxt nüvə silahını əldə etməməlidir”.

 


Qeyd edək ki, İranda 22 yaşlı Məhsa Əmininin ölümündən sonra başlayan etirazlar iki aydan çoxdur davam edir. Bu müddət ərzində ən son məlumata görə, 438 nəfər həlak olub, yüzlərlə insan yaralanıb. Ölənlərin arasında 60 yeniyetmə və uşaq da var. 17,5 min nəfərə yaxın şəxs həbs edilib.

 Əntiqə Rəşid