adalet.az header logo
  • Bakı 26°C
  • USD 1.7
24 May 2022 14:39
262
MƏMLƏKƏT

Dərmanlar niyə bahadı?

Bizim ölkədə Rusiya, Türkiyə və İranla müqayisədə dərman pereparatları çox bahadır. Bunu da onunla izah edirlər ki, guya əksər dərmanlar xaricdə istehsal olunur və ordan gətirilir. Təbii ki, bu fikirdə də müəyyən qədər həqiqət var. Amma həqiqət olmayan odur ki, bizim ölkədə dərman gətirilməsi sahəsində monopoliya mövcuddur. Bu monopoliyanın razılığı olmadan kimsə xaricdən dərman gətirə bilməz. Elə bahaçılığı da yaradan məhz ölkəmizə dərmanın bir neçə şirkət tərəfindən gətirilməsi və onların hegemonluğudur. Əgər dərman məlum şirkətlər tərəfindən deyil, digər sahibkarlar tərəfindən də ölkəyə gətirilsə, yəqin bu qədər bahalıq olmaz.

Bizim qohumlardan biri Türkiyədə istehsal olunmuş dərmanı Bakıdan 170 manata alıb. Sonradan tanışların biri vasitəsilə həmin dərmanı Türkiyədən 27 manata alıb gətiriblər. Bax, görürsünüzmü, bahalaşmaya şərait yaradan kimlərdir? Ona görə də ölkəmizdə dərman pereparatları başqa yerlərlə müqayisədə daha bahadır.

Emil FAİQOĞLU