DTX: "Casusluq edən xarici ölkə vətəndaşı həbs edilib" - FOTO

Azərbaycanda casusluq edən xarici ölkə vətəndaşı həbs edilib.
Adalet.az xəbər verir ki, bu barədə Dövlət Təhlükəsizliyi Xidmətinin (DTX) saytı məlumat yayıb.
Bildirilib ki, istintaq olunan cinayət işi üzrə aparılan araşdırmalar zamanı xarici ölkə vətəndaşı, 1994-cü il təvəllüdlü Ghaedi Mohammad Najaf oğlu tərəfindən Azərbaycan ərazisində casusluq cinayət əməllərinin törədilməsinə əsaslı şübhələr müəyyən edilib.
Belə ki, toplanılmış çoxsaylı sübutlar əsasında Ghaedi Mohammad Najaf oğlunun xarici xüsusi xidmət orqanının tapşırığı ilə dövlət sirri olan və Azərbaycan Respublikasının təhlükəsizliyi zərərinə olaraq istifadə etmək üçün məlumatların toplanılması və verilməsinin təşkili, o cümlədən Azərbaycan Respublikası hüquq-mühafizə orqanı əməkdaşları barədə fərdi məlumatların əldə edilməsi, onlarla şəxsi münasibətlər qurulması və onların xarici ölkənin xüsusi xidmət orqanı tərəfindən məxfi əməkdaşlığa cəlb edilməsi istiqamətində fəaliyyət göstərdiyi məlum olmuşdur.
Ghaedi Mohammad Najaf oğlu Azərbaycan Respublikası Cinayət Məcəlləsinin 276-cı (casusluq) maddəsi ilə cinayət məsuliyyətinə cəlb edilmiş və məhkəmə tərəfindən barəsində həbs qətimkan tədbiri seçilmişdir.
Cinayət işi üzrə araşdırmalar davam edir.
Digər Xəbərlər

Qaz, su və elektrik sistemlərinə qanunsuz qoşulmaya görə cinayət məsuliyyəti müəyyənləşir

Baş prokuror Astarada vətəndaşları qəbul edəcək

Zəngilanda saxlanılan erməni diversantlara cinayət işi açıldı

“Tərtər işi” üzrə bəraət almış üç nəfərə təzminat ödəniləcək

“İnfiniti Pub”ın rəhbərləri ilə bağlı daha bir QƏRAR

Tovuzda 13 yaşlı qızı qaçıran 44 yaşlı kişi hakim qarşısına çıxarılır

“Ölkəmizdə media azadlığı təmin olunur” - İnam Kərimov
