“ABŞ-nin İrana təqdim etdiyi 14 bəndlik təkliflər paketinə Tehranın cavabı D.Tramp administrasiyasını qane etmədi. İran, Çinin dəstəyi və təşviqi ilə öz şərtlərini irəli sürərək Vaşinqtonu çətin vəziyyətlə üz-üzə qoyur. Tehran bildirir ki, ABŞ İrandan faktiki olaraq tam təslimiyyət tələb edir”. 

Adalet.az xəbər verir ki, bunu politoloq Məhəmməd Əsədullazadə deyib. 

Politoloqun sözlərinə görə, İran isə ABŞ ilə məğlub tərəf kimi deyil, bərabər statuslu dövlət kimi müqavilə bağlamaqda maraqlıdır:

“Hətta Tehran Hörmüz boğazının dibi üzərində mülkiyyət və suveren hüquqlarının tanınmasını da təklif edir.İran, uranın zənginləşdirilməsi və onun üçüncü ölkəyə təhvil verilməsi ilə bağlı Vaşinqtonun təkliflərinə qarşı öz şərtlərini irəli sürüb. Göründüyü kimi, danışıqlar prosesində ciddi çətinliklər yaranıb. İranın blokada və ağır iqtisadi vəziyyətə baxmayaraq ABŞ ilə konfrontasiyaya getməsi yeni hərbi əməliyyatların başlanmasına səbəb ola bilər. Çin isə İran faktorundan ABŞ ilə geosiyasi rəqabətdə istifadə etməyə çalışır. Qeyd edim ki, növbəti regional qarşıdurmanın Birləşmiş Ərəb Əmirlikləri ilə Səudiyyə Ərəbistanı arasında müharibə baş verə bilər”.

Vasif ƏLİHÜSEYN