“Ukrayna prezidentinin NATO-nun Ankara sammitində iştirakı və bu zirvə çərçivəsində Trampla keçirdiyi görüş Kiyev üçün çox faydalı olub. D.Tramp razılaşıb ki, ABŞ Ukraynanın Patriot sistemi üçün raket istehsalına icazə verir”. 

Adalet.az xəbər verir ki, bunu siyasi şərhçi Qulu Məhərrəmli deyib. 

“Vaşinqton Kiyevin Rusiyanın neft zavodlarını sıradan çıxarmasını da müsbət qarşılayır. Tramp Ukrayna səmasını "təhlükəsizlik zəmanəti çərçivəsində" bağlamağı da mümkün sayır. Ankara sammitinin ən mühüm yekunu budur ki, NATO "Ukraynaya 140 milyard avroluq hərbi yardım" paketini təsdiqlədi. Müttəfiqlər bu il üçün Ukraynaya hərbi texnika, birbaşa yardım və təlimlər üçün 70 milyard avro ayırmağı öhdələrinə götürürlər. Rusiya üçün ölüm hökmü olan bu qərarların Kremldə necə böyük təşviş yaradacağını təsıvvür etmək çətin deyil”, - deyə o, bildirib. 

 Vasif