Qollarımı  düyün salıb  sinəmdə 
Yaddaşımı ələyirəm canım, tək... 
Sızıldayır  ruhum  kimi  sinəm  də -
Bu  ağrını  ovuduram  canımtək!

Elə  bil ki, bitib  bütün  hay- haray, 
Bu  məqamda  necə  deyim ay, haray!..
İşartısın, ömür  adlı bir  saray - 
Hiss  etdirmir,   indi  sənə  anım  tək!

Gözlərimdə  dumanlanıb  dağ, dərə  
Sel  yuyubdu itib  indi  yol, bərə!   
Dərk  edirəm  bunu  artıq  min  kərə - 
Doğulmuşam  yanmaq  üçün - yanım tək!

Əbülfətəm, sən də ruh tək məndəsən,-
Həm  bütövük, həm də  para  mənlə  sən!
Hər  məqamda, hər  zamanda  mənləsən -
Necə bunu de,  gizlədim, danım, tək!