Uzun zamandır ağır xəstəlikdən əziyyət çəkən Şuşa Dövlət Musiqili Dram Teatrının direktoru, Əməkdar artist Yadigar Muradovun son durumu açıqlanıb.

Əməkdar artistin oğlu Yaşar Muradov Adalet.az-a açıqlamasında artıq atasının Milli  Onkologiya  Mərkəzindən Ə.D.Məlikov adına Binəqədi Tibb Mərkəzinə köçürüldüyünü söyləyib:

O, “Səhhətində heç bir irəliləyiş yoxdur. Beyninə gedən qan damarlarının sıxıldığı üçün beyinə qansızma baş verib. Boğazında olan şişlər damarları sıxır.  Ona görə də Milli Onkologiya Mərkəzində dedilər ki, bu, artıq bizim xəstəmiz sayılmır. Belə olan halda xəstəni burada saxlamağın mənası yoxdur. Onun bədəni normal hala gəlməlidir ki, sişlərlə bağlı yenidən əməliyyat olunsun. Ona görə də məcbur qalıb köçürdük Ə.D.Məlikov adına Binəqədi Tibb Mərkəzinə. Hazırda müalicəsi davam edir, görək nəticə nə olacaq. Bu elə xəstəlikdir ki, adam qarşısında çox aciz qalır. 

Bədəni hərəkətsizdir, üz cizgilərində isə çox az dəyişiklik hiss olunur.  Yəni, beyin tam ölməyib, az da olsa reaksiya var. Amma danışa  bilmir. Həkimlər vəziyyətinin ağır olduğunu deyirlər” soyləyib.

Əntiqə