Türkiyədə prezident Rəcəb Tayyib Ərdoğanın vəzifəsini müvəqqəti olaraq vitse-prezident Cevdet Yılmaz icra edəcək.

Adalet.az xəbər verir ki, Türkiyə liderinin bu barədə qərarı "Rəsmi qəzet"də dərc olunub.

Qeyd olunur ki, Ərdoğan İqtisadi Əməkdaşlıq Təşkilatının (ECO) 17-ci Zirvə görüşündə iştirak etmək üçün iyulun 4-də Azərbaycana səfərə yola düşüb. 

"Bu səfərlə əlaqədər Türkiyə konstitusiyasının106-cı maddəsinə uyğun olaraq prezidentin vəzifələrini vitse-prezident icra edəcək", - qəzet yazıb.