Ermənilər Azərbaycan xalqına qarşı çoxsaylı cinayətlərin törədilməsində təqsirləndirilən, Azərbaycan Respublikasının Cinayət Məcəlləsinin sülh və insanlıq əleyhinə cinayətlər, müharibə cinayətləri, həmçinin terrorçuluq, terrorçuluğu maliyyələşdirməyə dair maddələri ilə və digər ağır cinayətlərdə təqsirləndirilən Ermənistan vətəndaşları ilə bağlı növbəti addımı atmaq ərəfəsindədirlər.

Adalet.az xəbər verir ki , bununla bağlı erməni mediası məlumat yayıb. Amerika xristian liderlərinin koalisiyası prezident Donald Trampa məktub yazıb. ABŞ liderinə Azərbaycan hakimiyyəti tərəfindən saxlanılan 24 xristian girovu, 23 erməni və bir xristianın azad edilməsi üçün qətiyyətli addımlar atmağa çağırıb. Məktubun başdan ayağa böhtan xarakterli olduğu elə müraciətin ilk cümləsindən bəlli olur.:

“Biz inanırıq ki, iki il əvvəl 120 mindən çox xristian ermənini (Qarabağı könüllü tərk etmiş ermənilər nəzərdə tutulur) siz xilas edəcəksiniz. lakin o vaxtdan bəri 23 xristian erməni və bir xristian girovu işgəncələrə məruz qalıb. Məktubda deyilir: "Ona ölkəni tərk etmək əmri verilib".

Xatırladaq ki, Bakı Hərbi Məhkəməsində davam etdirilən məhkəmə prosesində təqsirləndiriləndirilən erməni əsilli vətəndaşların etirafları, eyni zamanda dövlət ittihamçılarının sualları davam edir.

 Əntiqə Rəşid