"Onilliklərlə davam edən silahlı münaqişələrdən və humanitar böhranlardan sonra Ermənistan və Azərbaycan regionumuzda davamlı sülh üçün qətiyyətli addımlar atıblar". 

Adalet.az xəbər verir ki, bunu Ermənistanın xarici işlər naziri Ararat Mirzoyan BMT-nin İnsan Hüquqları Şurasının iclasında çıxışı zamanı deyib. 

Nazir bildirib ki, münaqişənin ağrılı humanitar nəticələri hələ də aradan qaldırılmayıb: "Lakin biz çətin barışıq yolunu seçmişik. Ermənistan gələcəyə yönəlmiş bir yerə çatmaq məqsədi ilə bu yolu davam etdirməyə qətiyyətlə sadiqdir".